Хөдөлгөөний тухай ерөнхий ойлголт

Эрүүл мэнд гэдэг нь ямагт бие бялдрын эрүүл чийрэг байдал, дасгал хөдөлгөөнтөй уялдаа холбоотоотой байдаг. Хөдөлгөөн бол хүний амьдралын нэг чухал зүйл. Бие махбодийн хүрээлэн буй орчиндоо оршин тогтнох, орчинтойгоо харьцах холбоо тогтоох, өсөж хөгжих, зэрэг бүх үйл ажиллагаа нь булчингийн хөдөлгөөний үр дүн юм. Хөдөлгөөнөөр илэрдэггүй үйл ажиллагаа гэж байдаггүй. Бүх насны хүмүүс өөрсдийн хүч чадал боломжиндоо тохируулан янз бүрийн хөдөлгөөн хийж байдаг. Тухайлбал явган явах, бүжиглэх, тоглох, дугуй унах, усанд сэлэх, спортоор хичээллэх болон биеийн хүчний ажил гэх мэт. ДЭМБ-аас хөдөлгөөнийг дараах байдлаар үндсэн 4 хэсэгт ангилан авч үзсэн байдаг.
1. Амьдралын идэвхтэй хөдөлгөөн
2. Эрүүл мэндэд чиглэсэн дасгал хөдөлгөөн
3. Чийрэгжүүлэх дасгал хөдөлгөөн
4. Биеийн тамир спортын төрлүүд